ஜேசு சுந்தரமாறன்

என்னை பற்றிய ஒரு சிறிய அறிமுகம்:

பேரன்பிற்குரிய பேராளர்கள் மற்றும் வாழ்நாள் உறுப்பினர்களுக்கு ஜேசு சுந்தரமாறனின் அன்பு வணக்கம்.

​

ஜேசு சுந்தரமாறனாகிய நான் வட அமெரிக்கத் தமிழ்ச் சங்கப் பேரவையின் வரவிருக்கிற 2024 ஆம் ஆண்டு தேர்தலில் இயக்குனர் (Board of Director) பொறுப்பிற்காக போட்டியிடுகிறேன்.

​

“தமிழ் எங்கள் உயிர் என்பதாலே - வெல்லும் 
தரமுண்டு தமிழருக்குப் புவிமேலே”

என்ற நமது புரட்சிக்கவிஞரின் வரிகளைப் பற்றி வாழ்வதால் தேர்தலில் வெற்றி பெற்று தொண்டாற்றிட உங்களின் பேராதரவை வேண்டுகிறேன். இந்த வேளையில் என்னைப் பற்றிய ஒரு சிறிய அறிமுகத்தை உங்களுக்கு அளிக்க விரும்புகிறேன்.

பிறந்தது சென்னை அருகினில், வளர்ந்தது படித்தது தமிழ்நாட்டின் பல்வேறு ஊர்களில், தற்போது வாழ்வது கலிபோர்னியா மாநிலத்தின் வளைகுடாப் பகுதியில். மென்பொருள் நிறுவனத்தில் இணை இயக்குனராக பணியாற்றி  வருகிறேன்.

​

ஆற்றியுள்ள தமிழ்ப்பணிகள் மற்றும் சமூகப் பணிகள்:

1. பள்ளி முதல் கல்லூரி வரை மேடை தோறும் நான் முழங்கிய தமிழால் தமிழ் மொழி என் ஊணுக்குள் கரைந்து உயிருக்குள் நிறைந்து விட்டது. புலம் பெயர்ந்த பின் தமிழ், தமிழர் நலன் மேல் உள்ள வாஞ்சையால்  தமிழ் சார்ந்த குழுக்களுடன் கடந்த 9 ஆண்டுகளாகத் தமிழ்த் தொண்டாற்றி வருகிறேன்.

2. வட அமெரிக்கத் தமிழ்ச் சங்கப் பேரவையில் கடந்த 5 ஆண்டுகளாக பல்வேறு குழுக்களில் பங்காற்றியுள்ளேன்.

3. இயற்றமிழை வட அமெரிக்க மண்ணில் இயம்பிட "நக்கீரர் பட்டிமன்றக் குழு" என்ற பேச்சுத் தமிழுக்கான மேடை அமைத்து தலைமுறைத் தாண்டிய பேச்சில் சிறந்த ஆளுமைகளை வளர்த்தெடுக்க ஆவண செய்து கொண்டுள்ளேன்.

4. தமிழரின் தொன்மை, பண்பாடு காக்கப்பட வேண்டும் என்று நிகழ்ந்த ஜல்லிக்கட்டு போராட்டத்தை ஆவணப்படுத்தி "மெரினா புரட்சி" என்ற படத்தை உலகெங்கும் வெளியிட்டேன் மற்றும் தமிழர்களின் தொன் நிலமாம் குமரிக் கண்டத்தை அனைவரும் அறிந்து கொள்ளும்படி "குமரிக்கண்டம்"  என்ற ஆவணப்படத்தை இயக்கி தயாரித்து வெளியிட்டேன்(Amazon).

5. ஹார்வர்டு பல்கலைக்கழக தமிழ் இருக்கைக்காக   நிதி திரட்டும் பணியில் ஈடுபட்டு தமிழ் இருக்கை அமைவதற்கு என்னால் ஆன பணிகளைச் செய்தேன்.

6. தாய்நாட்டின் ஏறு தழுவுதல் உரிமைக்கான போராட்டங்களில் சமூக ஊடகப் பணியைச் செய்தேன்.

7. தாய்நாட்டின் ஏறு தழவுதல் உரிமைக்கான போராட்டங்களில் சமூக ஊடகப் பணியைச் செய்தேன்.

8. பேரிடர் மற்றும் பெருந்தொற்று காலங்களில் வரியோர்க்கு  நிதி திரட்டி மக்களின் நலனைக் காக்கும் வாய்ப்பை பெற்றேன்.

9. ஈழத்துத் தமிழ்ச் சொந்தங்களின் உரிமைக்காக அவர்களின் இடர் காலத்தில் துணை நின்றேன்.

​

தமிழ்கூறும் நல்லுலகில் எனது பங்களிப்புகளால் எனக்குக் கிடைத்த பட்டறிவின் வாயிலாக அனைவரையும் அரவணைத்து பேரவையின் இயக்குநர்களில் ஒருவராக எவ்வித சார்பும் இன்றி பேரவை விதிகளுக்கு உட்பட்டு நடப்பேன் என்றும் மேலும் எனது தனித்திறன் பேரவையின் நலனிற்கு உதவும் வகையில் சிறப்பாகச் செயல்படுவேன் என்றும் உளமாற உறுதி கூறி, உங்களின் பெரும் ஒத்துழைப்பை எனக்கு வாக்களிப்பதன் வழியாகத் தந்திடுமாறு பணிவோடு வேண்டுகிறேன்.

****************************** வாக்களியுங்கள்!!! வாய்ப்பளியுங்கள்!!!  ******************************

பேரவைக்கு போட்டியிடும் சக வேட்பாளர்கள்